Written By : Fkima Chhakchhuak
Thian inkawmngeih tak mipa pali an awm. Pakhat chu mi hausa tawntaw chhungkua atanga seilian a ni a,pakhat chu nei ve pangngai,hausa em em lo chhungkua atanga seilian a ni;tin,apathumna chu mi rethei berhchep tak chhungkua atanga rawn inhamchhuak ve fan fan a ni a,a palina chu chhungkaw hlim thei tak,nei lo nghei lo chhungkua atanga seilian a ni. Dairy an ziak thin a,an Dairy erawh a inang lo thei hle.
Hausa fapa Dairy:
Vawiin chu mi pakhat mak danglam deuh mai ka hmu. Bus fare tur pawisa a nei lo va,ka pe ringawt.Bus fare nei lo khawp khawpin eng thilah nge a sum a khawhral ang? Tin,hmeichhe pakhat ka tawng bawk; a hmel chua tha khawp mai,mahse a inthuamdan a thing tlat. University meuh kal ve tawh chu,thawmhnaw inuluk ve deuh awm tak! Kan thianzinga pakhat(Mi rethei kha) lah hi, thil eng emaw vei ruk nei ang mai hian min kawm serh tlat mai a,a sum tlakchhamna-ah puih duh mah ila,ka puihna engmah a dawng duh lo tlat thin a,vawiin pawh breakfast ka treat tuma a duh lo;kan thutna dawhkan chu min kilpui ve a,mahse engmah a eive lo. A mak khawp mai. Eng vangamin kawmngeih tha lo nge a nih ka hrethiam thei lo a ni.
Inti hausa fapa Dairy:
Humm...vawiina thianpa(Hausa fapa) thawmhnaw rawn hak zet chu a nalh ka ti kher mai. Ka la neih ngei tur zinga mi a ni.
Sangteite ang mi neinung tak fanu hian engah nge ka thian pakhat(Chhungka w hlim thei tak fapa) mi pangngai ve mai mai hi kei aia a thlan zawk tlat le. Tih tak emah chuan ka thian-a ai thlawt chuan ka tling daih zawk si a.
Kha hmeichhe pakhat, min duh burtu kha chu a,a inchei dan vel a thing thei lutuka ka tei thei thak loa ni. A fel chu a fel,a nungchang pawh a tha,mahse an rethei deuh em a ni. Engpawh nise,naktuk chu Thian-a(Hausa fapa) Bike ang kha ka chhungte lei ka dil ve khawp ang.
Rethei fapa Dairy:
Vawiina Thianpa( Hausa fapa) breakfast min treat tum zet kha chu,ka thin a rim hle mai. Ka nei lo naa ka zak lo a sin. Ka neih loh chuan ka ei lo mai ang. Engah nge sum nei ho hian retheite hi hnehsawh taka min chhawnchhaihthin a le!Ka bei ang a,nakinah chuan an aia sangah ka awm ang. An hausakna hi enga tan mah ka ti lo.
He pa(Inti hausa fapa) lah hi,min hmuhsitna tawngkam kha tak tak chhakchhuah a hmang leh nghal a,lo ngawi tak rawh thianpa,engtik niah emaw chuan i fate'n ka rawng an la bawl khawp ang!
Mawite, i duhawm a,i tling thlawt a lawm;mahse engtikah mah ka hmangaihna ka hlan ngai lo vang che. Min khawngaihin ka tan i neihsum pawh insen i huam tih ka hria;vawiina i mi tanpui tumna kha chu,ka zak khawp mai. Engtik niah emaw chuan i la hria ang; khatiang mai maia kut dawh hnena tanpuina pe tur ang hiala i mi en dan ang kha chuan min en tawh lo vang. Khawngaih takin, i dinhmun nena inmawi tak,mi dang nei zawk mai ta che.
Chhungkaw hlim thei tak fapa Dairy:
Aw,Lalpa, ka lawm e. Thian tha tak pathum min pe a,ka thiante hi malsawm fo ang che.
Vawiina kan school kalho te kha kava'n hlim teh reng em! Khawvel dam chhung tawite hi ka tan chuan thil mak an ni. Hringnunah hian hlimna te,tahna te kan tawng tur reng a ni si a. Engkim hi hringnun a ni.
Vawiina Sangtei nena kan hun hmante kha a va'n hlimawm tak. Mahse thianpa(Inti hausa fapa) hian a beisei ve a ang khawp mai; a duh ve a nih chuan sava thlawk lai chu tu ta mah a ni lo va,ti ve rawhse. Mahse ka hlimna leh ka chance neih chu ka hlauh bik lo vang. Thil chu a nih nihin rawn ni mai se la,tah a tul chuan ka tap anga,nuih hunah ka nui mai ang e.
Thu belh: Mi hausate hian retheite dinhmun an hriatthiampui thin lo va,inti hausa fe fe lah hian chapo ringawt an hria a,an aia hausate erringawtin an khawsa thin.Retheih lutuk lah hi, rilru chhia put a awl a,miin min khawngaih a piangin hmuhsitnaah kan ngai mai thin. Chhungkaw hlim thei tak fapa anga hringnuna thil thleng engpawh hrethiam a,tah huna tap a,nuih huna nuih mai hi, a lo tha ber fo va. Mi dang tana malsawmna nun pawh a keng tel fo a ni.
Thian inkawmngeih tak mipa pali an awm. Pakhat chu mi hausa tawntaw chhungkua atanga seilian a ni a,pakhat chu nei ve pangngai,hausa em em lo chhungkua atanga seilian a ni;tin,apathumna chu mi rethei berhchep tak chhungkua atanga rawn inhamchhuak ve fan fan a ni a,a palina chu chhungkaw hlim thei tak,nei lo nghei lo chhungkua atanga seilian a ni. Dairy an ziak thin a,an Dairy erawh a inang lo thei hle.
Hausa fapa Dairy:
Vawiin chu mi pakhat mak danglam deuh mai ka hmu. Bus fare tur pawisa a nei lo va,ka pe ringawt.Bus fare nei lo khawp khawpin eng thilah nge a sum a khawhral ang? Tin,hmeichhe pakhat ka tawng bawk; a hmel chua tha khawp mai,mahse a inthuamdan a thing tlat. University meuh kal ve tawh chu,thawmhnaw inuluk ve deuh awm tak! Kan thianzinga pakhat(Mi rethei kha) lah hi, thil eng emaw vei ruk nei ang mai hian min kawm serh tlat mai a,a sum tlakchhamna-ah puih duh mah ila,ka puihna engmah a dawng duh lo tlat thin a,vawiin pawh breakfast ka treat tuma a duh lo;kan thutna dawhkan chu min kilpui ve a,mahse engmah a eive lo. A mak khawp mai. Eng vangamin kawmngeih tha lo nge a nih ka hrethiam thei lo a ni.
Inti hausa fapa Dairy:
Humm...vawiina thianpa(Hausa fapa) thawmhnaw rawn hak zet chu a nalh ka ti kher mai. Ka la neih ngei tur zinga mi a ni.
Sangteite ang mi neinung tak fanu hian engah nge ka thian pakhat(Chhungka w hlim thei tak fapa) mi pangngai ve mai mai hi kei aia a thlan zawk tlat le. Tih tak emah chuan ka thian-a ai thlawt chuan ka tling daih zawk si a.
Kha hmeichhe pakhat, min duh burtu kha chu a,a inchei dan vel a thing thei lutuka ka tei thei thak loa ni. A fel chu a fel,a nungchang pawh a tha,mahse an rethei deuh em a ni. Engpawh nise,naktuk chu Thian-a(Hausa fapa) Bike ang kha ka chhungte lei ka dil ve khawp ang.
Rethei fapa Dairy:
Vawiina Thianpa( Hausa fapa) breakfast min treat tum zet kha chu,ka thin a rim hle mai. Ka nei lo naa ka zak lo a sin. Ka neih loh chuan ka ei lo mai ang. Engah nge sum nei ho hian retheite hi hnehsawh taka min chhawnchhaihthin a le!Ka bei ang a,nakinah chuan an aia sangah ka awm ang. An hausakna hi enga tan mah ka ti lo.
He pa(Inti hausa fapa) lah hi,min hmuhsitna tawngkam kha tak tak chhakchhuah a hmang leh nghal a,lo ngawi tak rawh thianpa,engtik niah emaw chuan i fate'n ka rawng an la bawl khawp ang!
Mawite, i duhawm a,i tling thlawt a lawm;mahse engtikah mah ka hmangaihna ka hlan ngai lo vang che. Min khawngaihin ka tan i neihsum pawh insen i huam tih ka hria;vawiina i mi tanpui tumna kha chu,ka zak khawp mai. Engtik niah emaw chuan i la hria ang; khatiang mai maia kut dawh hnena tanpuina pe tur ang hiala i mi en dan ang kha chuan min en tawh lo vang. Khawngaih takin, i dinhmun nena inmawi tak,mi dang nei zawk mai ta che.
Chhungkaw hlim thei tak fapa Dairy:
Aw,Lalpa, ka lawm e. Thian tha tak pathum min pe a,ka thiante hi malsawm fo ang che.
Vawiina kan school kalho te kha kava'n hlim teh reng em! Khawvel dam chhung tawite hi ka tan chuan thil mak an ni. Hringnunah hian hlimna te,tahna te kan tawng tur reng a ni si a. Engkim hi hringnun a ni.
Vawiina Sangtei nena kan hun hmante kha a va'n hlimawm tak. Mahse thianpa(Inti hausa fapa) hian a beisei ve a ang khawp mai; a duh ve a nih chuan sava thlawk lai chu tu ta mah a ni lo va,ti ve rawhse. Mahse ka hlimna leh ka chance neih chu ka hlauh bik lo vang. Thil chu a nih nihin rawn ni mai se la,tah a tul chuan ka tap anga,nuih hunah ka nui mai ang e.
Thu belh: Mi hausate hian retheite dinhmun an hriatthiampui thin lo va,inti hausa fe fe lah hian chapo ringawt an hria a,an aia hausate erringawtin an khawsa thin.Retheih lutuk lah hi, rilru chhia put a awl a,miin min khawngaih a piangin hmuhsitnaah kan ngai mai thin. Chhungkaw hlim thei tak fapa anga hringnuna thil thleng engpawh hrethiam a,tah huna tap a,nuih huna nuih mai hi, a lo tha ber fo va. Mi dang tana malsawmna nun pawh a keng tel fo a ni.
0 comments:
Post a Comment