ZAIPAWL

Hei hi i ngaihtuah tlang ang u khai:

Kohhran zaipawl hi TKP ten kengkawh lo mahila memberte chu TKP Member vek kan ni, awmzia chu kan vai huap tihna a ni. Kei chu ka telve lo ti kan awm chuan kan thiamlo tih in pawm a tha.

Group Inelna atana kan Sub Comt hruaitu ten zaipawl an ti tel hi a lawmawm takzet ka ti, Sap upa group ten hla kan zir khan member 30 dawn kan kal thei,Kohhran zaipawl member zat thuak kan fuan khawma, chuta ka rilru a rawn lang chu Group zaipawl member a tel zawng2 te hi Kohhran zaipawl ah hian tel theuh ila tih hi a ni.

Zaipawl member ni tur hian tehfung a awm lo, a awm ang ber chu i peih leh ka peih loh hi a tehfung ber chu a ni mai. Hla zir tura member kan pun khawm tam hian in zai zawi, zai ring ru tih2 kan ngai ngai hauhlo a, engnge a chhan tih chuan kan tam hi chuan kan in tihlim tawna, Pathian thlarau hruaina changin in pawh leh thlim takin kan zai thup2 thei mai a ni.A chhan pawimawh ber chu tlem ai chuan tam hian kawngro a su hle a ni tawp mai.

HLA ZIR LEH INKHAWM BAN : Inkhawm bana hla kan zir hian Zaipawl member hna lam buaina leh harsatna avanga Inkhawm hmanlo a hla zir kan awm lai hian thenkhat te hi chuan Inkhawm hi kan peihlo hrim2 nge niang aw Inkhawm bana kal hi kan tam thei riau mai. HLA ZIR CHAUH PEIH INKHAWM NGAI PAWIMAWH LO kan nih chuan in siam that a tha ka ti hle mai, kei pawh ka bang hauhlo tih ka pawma, kan Kohhran hruaitute leh kan nu leh pa te hian an sawi zauh2 thin, nag leh kei hi in kawk tur kan awm lo PATHIAN BIAK INKHAWM HI ngai pawimawh thei ila, kan mimal tan,KRISTA LEH KOHHRAN TAN Malsawmna a ni ngei ang. Zaipawl a Active tak Inkhawm ngaipawimawh miah lo Ringtu ka nih chuan ka rawngbawlna in Pathian a ti lawm hauhlo ang.

Conductor : Zoram pum huap thlir ila an ni tluk a naupang SOLFA thiam an awm bik kherlo ang, inpekna thlir leh ta ila an ni khum tur an tam ka ring lo, kan kawl nawi deuh in kan hre mai thei a, kei tiam loh in an turu hle tih i hria ang u. Kum lamah kan in rual tlang a, kan in hmu pangai mai2 in ka hria, MTKP Choir conduct ngai ta se TV. Rina Hranleh te, Timo KhawlhringTimo Khawlhring te hi an qualified em2 ang..